Batalio di Xinkou

Batalio di Xinkou
Chinese troops marching in Xinkou.jpg
Chiniana trupi marchas en Xinkhou.
Konflikto: Duesma milito Chiniana-Japoniana
Dato: 11ma di oktobro til la 5ma di novembro 1937
Loko: defileyo Niangzi e Taiyuan
Rezulto: vinko Japoniana
Militanti
Republiko Chinia Flag of Japan.svg Japonia
Komanderi
Yan Xishan
Yang Aiyuan
Wei Lihuang
Zhu De
Itagaki Seishiro
Trupi/equipuri
280 mil en 52 divizioni 140 mil en 4 divizioni
plu kam 350 kanoni
plu kam 150 tanki
300 avioni
Perdaji
100 mil mortinta, vundita o desaparinta 20 mil mortinti
dozeni di mili vundita
dozeni di tanki e plu kam 24 avioni
{{{perdaji}}}

La Batalio di Xinkou esis batalio en qua la Nacionala Revolucionala armeo di la Republiko Chinia luktis kontre l'armeo di Japonian imperio dum la duesma milito Chiniana-Japoniana.

Dum ca batalio, unesmafoye trupi de Kuomintang e trupi organizita dal Komunista Chiniani luktis ensemble kontre Japoniani. Ca batalio eventis samatempe kam la batalio di Taiyuan, kom parto dil invado Japoniana en Shanxi.

Yan Xishan organizis sua trupi por konfrontar Japoniani en la defileyo Xinkou, qua furnisis favorebla pozicioni a la defenseri. La defileyo ank esis uzebla kom aceso a Taiyuan, ube kombati esis eventinta. La trupi nacionalista, komandita da Yan Xishan, organizis avana defenso dil defileyo, samatempe kam Komunista soldati komandita dal generalo Zhu De protektis la dextra flanko apud rivero Sutou, ed un diviziono Chiniana atakis Japoniana trupi dedop.

Pos kaptar Gouxian e Yuanping, Japoniani lansis granda atako kontre Xinkou ye la 13ma di oktobro. Ye la 16ma di oktobro, Chiniana trupi lansis kontreatako, qua rezultis la morto dil generalo Hao Mengling, komandero del 9ma Armeo. Tamen, Chiniana rezisto duris, e samatempe Komunisti sucesis vinkar Japoniani, che batalio di Pingxingguan. Ye la 26ma di oktobro, Japoniani sucesis ruptar defenso-lineo Chiniana en Niangziguan, pro to Chiniani gradope retretis vers Taiyuan.

La batalio montris la febleso di Chiniana trupi, qui havis poka armi, e multafoye nur havis "kokteli Molotov" por konfrontar enemika tanki. Kun la vinkeso Chiniana en Taiyuan, ca konfronto posibligis Japoniani asekurar lua kontrolo dil nordo di Chinia, ube la rezisto di gerileri duris dum la sequanta yari.