Arkangelsk

urbo en Rusia
Arkangelsk
Strado di Arkangelsk.
Blazono
Lando: Rusia
Informo:
Latitudo: 64°32' N
Longitudo: 40°32'E
Altitudo: 4 m
Surfaco: 294,42 km²
Habitanti: 351 488 (2017)
Denseso di habitantaro: 1193,93 hab./km²
Horala zono: UTC+3
Mapo di Arkangelsk
• Arkangelsk

Arkangelsk esas urbo en Rusia. Segun statistiki dil yaro 2017, ol havis 351 488 habitanti. Entote ol havas 294,42 km².

Noktal imajo pri Arkangelsk.

Ol jacas alonge la rivero Norda Dvina apud lua ekfluo en la Blanka maro, extrema nordo dil Europala Rusia. Entote ol okupas 40 km alonge la rivero e lua delto.

Historio redaktar

 
Portuo di Arkangelsk dum la 19ma yarcento.

Dum Vikinga epoko ol nominesis Bjarmaland.

Arkhangelsk esis la precipua portuo di Moskovia dum Mezepoko, ma subisis dekado dum la 18ma yarcento, kande la komerco che Baltiko divenis plu importanta. L'urbo itere divenis importanta dum la fino dil 19ma yarcento, kande ferovoyo ligis ol a Moskva.

L'urbo rezistis Bolshevika guverno de 1918 til 1920, ed esis bastiono dil Blanka Armeo suportita dal Britaniani. Dum amba mondomiliti lua portuo esis importanta eniro por provizuri sendita dal Federiti. Dum la duesma mondomilito l'urbi Arkangelsk e Murmansk uzesis por sendar provizuri de la Federiti a Sovietia. Dum l'Operaco Barbarosa, Germana invado en Sovietia, l'urbo konsideresis dal Naziisti un ek la limiti (l'altra esis l'urbo Astrakhan) por lua expanso en Sovietia, la surnomizita "lineo A-A". Tamen, li nulatempe atingis l'urbo pro li faliis kaptar Moskva.

Nune, Arkangelsk duras esar importanta portuo, note por l'agadi di pesko ed extraktado di ligno.

Geografio redaktar

 
Commons
Commons havas kontenajo relatante a: