Altru

La koncepto pri altru uzesas en filozofio, psikoanalizo, sociologio, psikologio, antropologio ed altra faki. Esas ideo opozanta su ad identeso, e referas, o probas referar, ad «altru», ad altra individuo diferanta de su ipsa.

Friedrich Hegel esis un ek l'unesma filozofi qui enduktis l'ideo di "altru" kom parto de la procedi di su-konoco di ula individuo: segun lu, la su-konoco ne povas negar l'agnosko dil altru, nam negar ca agnosko esus eroro. En psikoanalizo, Jacques Lacan e la filozofo pri etiko Emmanuel Levinas establisis l'"altru" kom radikala kontreparto di "ipsa".