Akademio Braziliana pri Literaturo
L'Akademio Braziliana pri Literaturo (Portugalane Academia Brasileira de Letras) esas literaturala institucuro fondita che urbo Rio de Janeiro ye la 20ma di julio 1897 dal skriptisti Machado de Assis, Lúcio de Mendonça, Inglês de Sousa, Olavo Bilac, Afonso Celso, Graça Aranha, Sílvio Romero, Medeiros e Albuquerque, Joaquim Nabuco, Teixeira de Melo, Visconde de Taunay e Ruy Barbosa.[1] Ol konsistas ek 40 perpetua membri (pro to, surnomizita nemortiva)[2] e plusa 20 socii stranjera.[3]
Lua skopo esas "sorgar" la Portugalana linguo e la literaturo di Brazilia. Ol judikesas kom la maxim prestijoza literaturala akademio di Brazilia. Pro lua prestijo e teknikala qualeso, ol havas supera autoritato pri la normi di la linguo Portugalana skribita en Brazilia, mem sen existar oficala institucuro o lego qua donas ca autoritato a lu. Ol publikigas periodale l'Ortografiala Vortaro di la Portugalana Linguo (Vocabulário Ortográfico da Língua Portuguesa). Se ula vorto ne esas inkluzata che la Vortaro ol judikesas kom "neexistanta" o "nekorekta" segun la normi di Braziliana Portugalana.
Referi redaktar
- ↑ http://www.academia.org.br/abl/cgi/cgilua.exe/sys/start.htm?sid=2
- ↑ Membros - URL vidita ye 12ma di decembro 2015.
- ↑ http://www.academia.org.br/abl/cgi/cgilua.exe/sys/start.htm?sid=536