La Sinioro di la Mushi

(Ridirektita de Sua Majesto di mushi)

La Sinioro di la Mushi esas alegoriala romano da William Golding editita en 1954.

Ol diskutas quale kulturo kreita dal homaro falias, uzante exemplo pri grupo di Britaniana studianti transvivanti en dezerta insulo qua esforcas guvernar li kun funesta rezultaji.

Dum la duesma mondomilito aeroplano transportanta nur pueruli de alta socio, sendita da lua parenti ad Australia, aplastas sur dezerta insulo. Livrita ipsa (omna adulti mortas) en sovaja e paradizala naturo, la multa transvivanta pueri probas institucar itere la sociala skemi qui inkulkesis a li. Ma quik la verniso krakas, la fragila socio spliteskas e lasas poke a poke la loko a tribuala aranjuro, sovaja e violenta, konstruktita cirkum karismoza chefo e rudimenta religio. Homala sakrifiko, homala chasado, sangoza militi: la civilizuro desaparas per profito di riveno ad stando proxim l'animalaro, en ke la pueri maxim fragila o plu racionoza pagas kun lia vivi.