Sergei Sergeyevich Prokofyev

(Ridirektita de Sergei Prokofiev)
Sergei Sergeyevich Prokofyev
Profesiono: kompozisto
Lando: Rusia
Naskodato: 23 di aprilo 1891, 11 di aprilo 1891, 23 di marto 1891
Nasko-loko: Soncovka, Rusa imperio
Mortodato: 5 di marto 1953
Morto-loko: Moskva, Sovietia
Retoloko: http://www.sprkfv.net

Sergei Sergeyevich Prokofyev (n. ye la 23ma di aprilo 1891 til la 5ma di marto 1953) esis Rusa kompozisto.

Klasika Simfonio redaktar

Ye 10 di septembro 1917 il kompletigis sua Simfonio No. 1, nomizita da il la Klasika Simfonio. Il kompozis ol dum vakanco en peizajo, kom exercado di kompozado sen utiligar la piano. Ol ulgrade havas la stilo di Joseph Haydn, ma anke montras la voco di Prokofyev. La simfonio esis unesmafoye pleata ye 21 di aprilo 1918 en Petrograd, direktata da la kompozisto. Ol havas quar movimenti, e la tota dureso esas cirkume 15 minuti.

Peter e la Volfo redaktar

Ilua kompozuro Peter e la Volfo esis unesmafoye pleata ye 2 di mayo 1936. La Centrala Teatro por Infanti en Moskva komisis la kompozisto skribar muzikala simfonio por infanti. Prokofyev skribis ambe la muziko e la texto; la verko esis kompleta quar dii pos komenco. En la rakonto, singla karaktero esis deskriptata per partikulara instrumento, o grupo de instrumenti. Ye la unesma pleado, la audantaro esis mikra; la verko plu tarde divenis sucesoza.

Romeo e Juliet redaktar

Ye 11 di januaro 1940 en Leningrad, ilua baleto Romeo e Juliet esis unesmafoye pleata, en revizita versiono, da la baleto-kompanio di Kirov. La originala muziko, komisita da la Kirov-kompanio, esis kompleta en 1935. La baleto-kompanio di Bolshoi, qua intencis prizentar unesma pleado di la verko, opinionis ke ol esas tro desfacila, e ke la konkluzo esas chanjenda; nam, vice la tragediala konkluzo di la dramato da Shakespeare, la originala baleto havis felica fino. La revizita versiono, kun tragediala konkluzo, prizentita en Leningrad, esas la versiono qua divenis sucesoza en sequanta yari.