Presbiterismo

Presbiterismo esas parto de la tradiciono di religiala reformo Protestanta kun origino en Britania, nome en Skotia. En l'eklezii qui sequas ca tradiciono, lia sacerdoti o pastori submisesas hierarkiale al asemblo dil oldi de lia komunitato. Ca eklezii ne agnoskas episkopi, ed organizesas en kongregacioni.

La brulanta arbusto, simbolo ofte uzata da presbiterista eklezii. La frazo en Latina, ardens sed virens, signifikas "brulas, tamen florifas"

L'origino di ca eklezii esas l'Eklezio di Skotia, fondita en 1560 da John Knox.