Pastel de nata
| Pastel de nata | ||
.jpg)
| ||
| Kategorio: | Tarto | |
| Originala lando: | Portugal | |
| Kreita da: | Jerónimos-monakerio | |
| Precipua ingredienti: | vitelo | |
pastel de nata (pluralo: pastéis de nata), o pastel de Belém (pluralo: pastéis de Belém) esas portugulana ovo-tarteto. Li trovesas ofte en Portugal, *Lusosfero — Brazilia, Angola, Mozambik, Kabo Verda, San-Tome e Principe, Guinea-Bissau, Estal Timor, Goa, e Makau — e landi kun signifikanta portugalana habitantari, nome Kanada, Australia, Luxemburgia, Usa, e Francia, inter altri.
Historio redaktar
On kredas ke pastéis de nata kreesis ante 18ma yarcento da katolika monakini che Jerónimos-monakerio. Portugalana monakerii developis multa dolca recepti per ovo-viteli, nam ov-albumeni bezonesis granda-quante e por starchar vesti, ed anke che viniferii, por netigar vini, exemple Oporto-vino, tale ke multa viteli sparesis. Casa Pastéis de Belém en Lisboa esis l'unesma venderio exter la monakerio di ca tarteti, ed ibe li nomesis pastéis de Belém, pro la nomo dil distrikto e sua famoza bakerio. Depos 1837, lokani iras ad-ibe por obtenar oli varme ek la forno, cinamizita e sukrizita. Ici esas tre populara, turisti vartante dum hori por komprar li.
La recepto recevis, dum generacioni, kelka modifiki da diversa pastelarias (kukerii) e padarias (bakerii) cirkum Portugal.
Ol selektesis por reprezentar Portugal che la Café Europe-projeto dil Austriana prezidanteso dil Europana Uniono, lor Europa-Dio 2006.
Galerio redaktar
