November esas psikologiala thriller filmo qua unesme aparis en fim-festi ye 2004. En ol aparis Courtney Cox kom Sophie, fotografisto, la vivo di qua komencis desintrikar pos incidento traumatala ye 2 di novembro en qua sua amikulo aparis. James LeGros aparis kom la amikulo di elu. Segun la vorti di Cox, la karaktero "transiras tri fazi: La unesma esas negado. La duesma esas tristeso e kulpeso. La lasto esas aceptado." Altra aktori qui aparas en la filmo inkluzas Michael Ealy kom kunlaboristo, Nora Dunn kom elua psikiatriisto, ed Anne Archer kom elua matro. Nick Offerman juas la rolo di policisto qua inquestas la incidento, e Matthew Carey esas kriminalo qua spolias butiko.

La nedependanta filmo direktesis da Greg Harrison, skribesas da Benjamin Brand e Harrison, e produktesis da Danielle Renfrew e Gary Wanick. Ol unesme aparis en Usa da Sony Pictures Classics ye 22 di julio, 2005, e malgre ke la digitala video fotograf-metodo recevis laudi e ganis premio, multa revui kritikis la filmo pro esar tro ambigua e derivita da altra filmi. Multi komparas la filmo ad altri facita da David Lynch e M. Night Shymalan.

Extera ligili redaktar