Mariner 9 esis kosmosondilo di la Mariner-projeto di Usa, qua duris de 1962 til 1973; la skopo di la projeto esis explorar Marso, Venuso e Merkuro. Mariner 9 facis plusa explorado di Mars, pos la explorado di la planeto en 1969 per Mariner 6 e Mariner 7.

Mariner 9

Mariner 9 lansesis de Tero ye 30 di mayo 1971, 11 dii pos la lanseso di Mars 2 (di USSR); ol establisis orbito cirkum Marso ye 14 di november 1971, esante la unesma sondilo atingar orbito cirkum altra planeto (13 dii ante ke Mars 2 atingis sua orbito). La skopo di Mariner 9 esis fotografar la planeto, quon il facis de novembro 1971; fotografuri prenita ante la mezo di januaro 1972 ne montris multa detali, pro granda polvo-tempesto sur la planeto. La sondilo prenis 7329 fotografuri, kovrante 85% di la surfaco. Ye 12 di oktobro 1972 ol prenis fotografuri di la norda polo di la planeto. La lasta kontakto kun la sondilo esis ye 27 di oktobro 1972.