Louis Germain David de Funès de Galarza
Profesiono: cinem-aktoro e komikisto
Lando: Francia
Naskodato: 31 di julio 1914
Nasko-loko: Courbevoie apud Paris, Hauts-de-Seine, Francia
Mortodato: 27 di januaro 1983
Morto-loko: Nantes, Loire-regiono, Francia
Retoloko: http://www.louisdefunes.com/

Louis Germain David de Funès de Galarza (1914 til 1983) esis Franca cinem-aktoro e komikisto, filiulo de Hispana gepatri. Ilu partoprenis en plu kam 130 cinematografuri e cirkume 100 teatraji.

Biografio redaktar

La familio de lua patro apartenis a la nobelaro di Sevilla. Lua patro, Carlos Luis de Funes de Galarza, esis advokato. Pro problemi kun lua vicini, en 1904 la familio decidis ekmigrar vers Francia. Naskinta en 1914, evante 5 yari Louis de Funès recevis lecioni pri piano de lua matro. Ilu komencis studiar che la liceo lycée Condorcet en Paris, ma abandonis lua studii. Ilu verkis kom pianisto en drinkerii che la quartero Pigalle, en la sam urbo. Pose ilu divenis teatr-aktoro.

En 1945, lor evanta 31 yari, ilu partoprenis en lua unesma cinematografuro, La Tentation de Barbizon,[1] dum min kam 40 sekundi. Dum la sequanta 20 yari ilu partoprenis en plu kam 130 cinematografuri, di qui plu kam 80 kurte, ante recevir importanta roli. Ilu anke doblis* notora artisti, exemple l'Italiana komikisto Totò e duris verkar kom teatr-aktoro. Lua unesma importanta cinematografuro esis Pouic-Pouic, de la yaro 1963. En 1964, lor evanta 49 yari, ilu aquiris notoreso exterlande pro la filmo Le gendarme de Saint-Tropez, direktita da Jean Girault.

Diferanta de lua personaji, Louis de Funès esis timida viro. Kom aktoro, ilu rapide povis modifikar lua facial aspekto, e recevis la surnomo "la viro di la 40 mieni per minuto". Lua personaji esis drola mez-eva viri troaktiva, qui divenas bruske iracoza e neskrupuloza, nome kande uzas uniformi.

Louis de Funès mortis ye la 27ma di januaro 1983 pro kordio-paroxismo, kin monati pos l'enrejistro di lua lasta cinematografuro.

  1. Louis de Funès called Stelli Ma Chance ("My Luck") whenever they were together (Louis de Funès : Jusqu’au bout du rire, p. 43.).