Por sakrifiko religioza, videz Holokausto (religio).

Holokausto, anke nomizita Shoa esis gentocido qua eventis dum la duesma mondomilito en ke Naziista Germania e lua kunlaborinti ocidesis cirkume 6 milion judi, o 2/3 de la juda habitantaro di Europa. Judi, ed anke cigani, politikal opozinti, homeosexuali, testi di Ieovah, etniala Poloni, militala kaptiti Sovietiana e personi konsiderita "nesanigeble morboza" vizesis por exterminado.

Kadavri di pueri qui mortis che la ghetto di Warszawa.
Koncentreyi ed extermineyi en Europa.

Pos ke Adolf Hitler asumis la povo en Germania en 1933, aprobesis legi qui proskriptis Judi de la civila socio, exemple la Legi de Nürnberg aprobita en 1935, qui interdiktis mariajo di "pura Germani" kun Judi. En 1933 anke komencis la konstrukto di koncentreyi por politikal opozinti e por personi konsiderita "nedezirita".