Hattiesburg, Mississippi

Hattiesburg esas urbo e sideyo di la komtio Forrest, Mississippi, Usa. Segun la demografiala kontado di 2000, ol havis 44,779 habitanti.Ol esis la quaresma maxim granda urbo di Mississippi, kun la preurbo Petal.

Historio redaktar

Hattiesburg fondesis en 1882 dal kapitano William H. Hardy. Ol divenis urbo en 1884 kande lua habitantaro ja esis cirkume 400 personi. L'unesma nomo dil urbo esis Twin Forks e pose Gordonville. Hardy fine donis la nomo Hattiesburg por sua spozino Hattie. Tri stradi en la urbo havas la nomi Mamie, Adelene, e Corinne, nomi di lia filiini.

Geografio redaktar

Hattiesburg jacas a 31.32° N 89.31° W.

Segun l'Usana Kontado Ministerio, l'urbo havas entote 128.6 km², equivalanta a 49.7 mi², di qui 127.6 km² (49.3 mi²) esas lando e 1.1 km² (0.4 mi², o 0.83% de la surfaco totala) esas aquo.

Demografio redaktar

Segun la demografiala kontado di 2000, esis 44,779 homi, 17,295 hemanari, e 9,391 familii qui rezidis en la urbo. La denseso di habitantaro esis 351.0/km² (909.0/mi²). Esis 19,258 domi kun mezvalora denseso di 150.9/km² (391.0/mi²). Segun raso, esis 49.95% Blanki, 47.34% Negri od Afrik-Usani, 0.15% indijeni Amerikana, 1.22% Aziani, 0.02% Pacifik-insulani, 0.52% de altra rasi, e 0.80% de du o plura rasi, e 1.41% de la habitantaro esis Hispan-Amerikani o Latin-Amerikani de irga raso.

Esis 17,295 hemanari, di qui 25.3% havis pueri od adolecanti evante min kam 18 yari en la domo, 31.1% esis mariajita e habitis kune; en 19.4% muliero sen spozulo esis la domo-chefo, e 45.7% esis ne-familii. En 34.4% de omna hemanari vivis unika sola individuo, e 9.3% habitesis da singla individuo evante 65 yari o pluse. La mezvalora grandeso per hemanaro esis 2.29 personi e la mezvalora grandeso per familio esis 3.01 personi.

La procento di habitanti segun evo esis: 21.5% evante min kam 18 yari, 24.4% de 18 til 24 yari, 26.3% de 25 til 44 yari, 16.0% de 45 til 64 yari, e 11.8% evante 65 yari o pluse. La mezvalora evo esis 27 yari. Por singla 100 mulieri esis 85.3 viri. Por singla 100 mulieri evante 18 yari o pluse, esis cirkume 81.3 viri.

La mezvalora revenuo per hemanaro en la urbo esis $24,409, e la mezvalora revenuo per familio esis $32,380. La mezvalora revenuo por la viri esis $26,680 kontre $19,333 por la mulieri. La revenuo per capita por la urbo esis $15,102. Vivis sub la povreso-lineo 28.3% de la habitantaro e 21.5% de la familii. Ek omna habitantaro evante min kam 18 yari, 36.3% ed ek omna habitantaro evante 65 yari o pluse, 16.7% vivis sub la povreso-lineo.

Edukado redaktar

  • Universitato di Suda Mississippi
  • Fakultato William Carey
  • Fakultato Pearl River Community

Extera ligili redaktar