Glenda Jackson

Glenda May Jackson
Profesiono:	aktoro, politikisto
Naskodato:	9 di mayo 1936
Nasko-loko:	Birkenhead
Mortodato:	15 di junio 2023
Morto-loko:	Blackheath, London

Glenda May Jackson (Birkenhead, 9ma di mayo 1936 – Blackheath (London), 15ma di junio 2023) esis Britanian aktoro e politikisto.

Jackson profesionale debutis en 1957 per Doctor in the House da Ted Willis, komunista skriptisto di teatraji. Elua rolo de erotika, rebela e libera muliero konkordis bone l'epoko di Svinganta Sisadeko. En 1970 el ganis la premio Oskar pro elua aktorago en filmigo di Women in Love, romano da D.H. Lawrence. Tri yari pose el itere ganis la premio Oskar pro elua rolo en rom-komo A Touch of Class. Tipale por la rebela karaktero ed instinti egalesala di Jackson esis la refuzo asistar la ceremonio di premiodono.

Per l'ambicio ‘Ni devas engajar ni por la povri, senhemi, chomanti, febli e maladi', Glenda Jackson kom reprezentanto social-demokrat eniris en 1992 la Basa Domo di Britania. Pos kin yari la famoz aktoro recevis alt ofico en la ministerio di Trafiko, ube el responsis la publika transporto di la chefurbo.