Dinastio Han

La dinastio Han esis la duesma dinastio imperiala di Chinia. Ol duris de cirkume 202 aK til la yaro 220. Ante ol, existis la dinastio Qin (221 aK til 206 aK), e tale-nomizita "disputo Chu-Han" de 206 aK til 202 aK, pos la krulo di la dinastio Qin, kande lua teritorio dividesis inter 18 rejii.

Teritorio dil imperio Han cirkum la yaro 60 aK.

Bronza kloshi, de westala dinastio Han.

Dum l'epoko di la dinastio Han, Chinia oficale divenis Konfuceista stato. Agrokultivo, mestiero e komerco prosperis. La habitantaro di la lando superiris 50 milion personi, e l'influo dil imperio extensesis a la nuna Vietnam, Mongolia e Korea. Moneti monetifita dum ta epoko duris uzesar til l'epoko di la dinastio Tang (618 til 907 pos Kristo). Cienco e teknologio anke prosperis dum ca epoko, exemple l'invento di procedi por fabrikar papero, dil guvernilo por navi, l'uzo di negativa nombri o mapi qui montras reliefo di regioni.

Dinastio Han ravis multa konflikti kontre le Xiongnu, tribuala kunfederuro di nomada populi, qui habitis stepi Aziana. Le Xiongnu vinkis le Han cirkume yaro 200 aK, ed amba populi establisis paco-politiki, inkluzite tra intermariajo. La politiko chanjis en 133 aK, kande lora imperiestro Wu komencis serio di militala kampanii kontre le Xiongnu, e fine vinkis li.

Dinastio Han finis en 220, kande Cao Pi, rejulo di Wei, uzurpis la trono dil imperiestro Xian.